Persónuverndarstefna
Um stefnuna
Redder ehf. leggur mikla áherslu á það að standa vörð um friðhelgi einkalífs og öryggi þeirra gagna sem fyrirtækið stjórnar. Öfluga persónuverndarstefna okkar lýsir sérstaklega fyrirhugaðri notkun á söfnuðum persónuupplýsingum og afmarkar nákvæmar samskiptareglur sem eru til staðar til að meðhöndla þessi viðkvæmu gögn.
Meðferð Redder ehf. á persónuupplýsingum fer samkvæmt gildandi lögum um persónuvernd og meðferð persónuupplýsinga eins og þau eru á hverjum tíma hér á landi.
Þessi stefna nær til vinnslu persónuupplýsinga í allri starfsemi Redder efh. í tengslum við fyrrverandi, núverandi og verðandi viðskiptavini fyrirtækisins. Einnig nær stefnan yfir aðra aðila en viðskiptavini ef til vill að þeir hafi samskipti við Redder ehf. í viðskiptalegum eða öðrum tilgangi, heimsækja verslun eða vefsíðu Redder ehf. eða taka þátt í viðburðum á vegum fyrirtækisins.
Redder ehf., kennitala 430718-1500, staðsett á Hyrjarhöfða 2, 110 Reykjavík, ber fulla ábyrgð á persónuupplýsingum sem fyrirtækið hefur veitt eða aflað um þig. Ef þú vilt forvitnast um meðferð persónuupplýsinga þinna getur þú haft samband við fyrirtækið skriflega á netfangið redder@redder.is.
Persónuuplýsingar
Persónuupplýsingar eru öll smáatriði og persónugreinanlegar upplýsingar sem tengjast beint eða óbeint viðkomandi aðila og allar upplýsingar sem hægt er að rekja beint eða óbeint til aðilans, samkvæmt skilgreiningu persónuverndarlaga. Þessi atriði teljast persónugreinanleg ef unnt er að persónugreina aðilann, beint eða óbeint, hvort sem það er tilvísun í auðkenni eins og nafn, kennitölu, staðsetningargögn, netauðkenni eða einn eða fleiri þætti sem auðkenna aðilann í líkamlegu, lífeðlisfræðilegu, erfðafræðilegu, andlegu, efnalegu, menningarlegu eða félagslegu tilliti.
Aftur á móti eru ópersónugreinanleg gögn ekki talin sem persónuupplýsingar.
Söfnun og meðhöndlun
Dæmi um persónuupplýsingar sem kunna að vera afhentar Redder ehf. eða sem Redder ehf. kann að afla eru:
Grunnupplýsingar, svo sem nafn, kennitala, heimilisfang, símanúmer, netfang, og/eða aðrar grunnupplýsingar.
Samskiptaupplýsingar, svo sem upplýsingar um samskipti þín við Redder ehf. eins og skriflegar upplýsingar um samskipti í netspjalli, tölvupósti eða bréfum, svo og munnlegar upplýsingar sem kunna að vera veittar á starfsstöð Redder ehf. eða í símtali.
Upplýsingar um auðkenni, svo sem hvers konar afrit af lögbundnum eða rafrænum skilríkjum eða upplýsingar um hvernig þú auðkennir þig og eftir hvaða leiðum.
Fjárhagsupplýsingar, svo sem upplýsingar sem tengjast núverandi og/eða fyrrverandi viðskiptum og viðskiptasögu, m.a. um stöðu og tegundir reikninga og upplýsinga um greiðslukort og greiðslusögu vegna viðskipta þinna við Redder ehf.
Upplýsingar sem safnast við rafræna vöktun, svo sem hljóð- og myndbandsupptökur sem safnaðar eru með eftirlitsmyndavélum á starfsstöð Redder ehf.
Upptalning þessara upplýsinga er í dæmaskyni og því ekki tæmandi. Redder ehf. Kann mögulega að vinna með aðrar persónuupplýsingar en þær sem hafa verið taldar hér upp, í samræmi við persónuverndarlög og stefnu þessa.
Tilgangur og heimildir
Redder ehf. safnar persónuupplýsingum um viðskiptavini, tengiliði og forsvarsmenn viðskiptavina í þeim tilvikum sem viðskiptavinir eru lögaðilar sem og tengiliði birgja og annarra samstarfsaðila. Að langmestu leyti fer vinnsla Redder ehf. á persónuupplýsingum fram á grundvelli upplýsinga sem veittar hafa verið Redder ehf. að frumkvæði viðskiptavinar.
Hins vegar getur einnig komið til sjálfstæðrar upplýsingaöflunar Redder ehf., svo sem frá stjórnvöldum og fer slík vinnsla ávallt fram á grundvelli lögmætra hagsmuna og í samræmi við persónuverndarlög. Slík upplýsingaöflun og vinnsla Redder ehf. getur t.d. verið vinnsla grunnupplýsinga úr þjóðskrá og varðveisla og vinnsla með viðskiptasögu viðskiptavinar.
Vinnsla persónuupplýsinga Redder ehf. fer einkum fram á grundvelli eftirfarandi vinnsluheimilda:
Lögmætir hagsmunir. Þegar Redder ehf. hefur lögmæta hagsmuni af því að vinna persónuupplýsingar í ákveðnum tilgangi, svo sem með myndavélaupptökum í verslun, í öryggis- og eignavörsluskyni.
Samningsskylda. Þegar Redder ehf. þarf að vinna úr persónuupplýsingum til að uppfylla samning sem Redder ehf. hefur gert eða er að undirbúa að gera við þig.
Lagalegar skyldur. Þegar Redder ehf. þarf að vinna úr persónuupplýsingum þínum til að uppfylla lagaskilyrði/reglur sem um starfsemi Redder ehf. gilda, almennt eða í einstökum tilfellum.
Samþykki. Þegar þú hefur veitt samþykki fyrir vinnslu og eftir atvikum haft frumkvæði að því að veita Redder ehf. persónuupplýsingar.
Redder ehf. safnar persónuupplýsingum um viðskiptavini sína fyrst og fremst með því markmiði að veita þeim aðgang að vörum og þjónustu í samræmi við ákvæði viðskiptasamninga. Þetta tryggir að þjónusta sé löguð að þeirra þörfum og auðveldar miðlun upplýsinga til þeirra í markaðslegum tilgangi. Markmiðið á bak við upplýsingasöfnun er fyrst og fremst að þjónusta viðskiptavini betur og betrumbæta heildarupplifun þeirra á þjónustu Redder ehf.
Redder ehf. safnar einungis persónuupplýsingum sem eru nauðsynlegar til að veita ráðgjöf eða þjónustu að hverju sinni. Kjósi viðskiptavinur hins vegar að veita ekki persónuupplýsingar, þá kann að vera að Redder ehf. geti ekki útvegað viðkomandi aðila vörur eða veitt þjónustu.
Redder ehf. nýtir persónuupplýsingar einungis í þeim tilgangi sem þeirra var aflað til.
Redder ehf. safnar og varðveitir ýmsar persónuupplýsingar um viðskiptavini. Ólíkum persónuupplýsingum kann að vera safnað eftir því hvort einstaklingur er sjálfur í viðskiptum við félagið eða hvort hann komi fram fyrir hönd lögaðila í viðskiptum við félagið, t.d. sem birgi.
Viðskipti einstaklinga
Redder ehf. safnar upplýsingum um viðskiptavini sína í tengslum við einstök viðskipti. Þannig safnar Redder ehf. m.a. samskiptaupplýsingar viðskiptavina, upplýsingar um þá vöru/þjónustu sem keypt er, t.d. vörunúmer og verðsamning, samskiptaupplýsingar og um upphæð úttektarheimildar. Vinnslan byggir á samningi eða beiðni viðskiptavinar um að gera samning við félagið. Sé um reikningsviðskipti að ræða kann að vera unnið með upplýsingar um lánshæfismat og úr vanskilaskrá á grundvelli lögmætra hagsmuna félagsins.
Gerist viðskiptavinur brotlegur við lög í viðskiptum sínum við Redder ehf., kann að vera unnið með upplýsingar um brot, t.d. um óheimil reikningsviðskipti á grundvelli lögmætra hagsmuna félagsins. Þá kann brot að vera tilkynnt til lögreglu.
Redder ehf. kann ennfremur að senda markpóst til viðskiptavina sinna á grundvelli lögmætra hagsmuna félagsins. Viðskiptavinir geta alltaf mótmælt slíkri vinnslu með því að ýta á þar til gerðan hlekk í markpóstum, senda póst á netfangið redder@redder.is eða haft samband við þjónustuver Redder ehf. í síma 558 0888.
Póstlisti
Redder ehf. vinnur með tölvupóstfang, sem einstaklingur hefur skráð og samþykkt notkun á fyrirfram, í útsendingum á markpósti til einstaklinga á póstlista félagsins. Enn fremur getur einstaklingur skráð upplýsingar eins og t.d. nafn, kennitölu, heimilisfang, símanúmer og kyn. Þá er óskað eftir samþykki hans til þess að vinna með upplýsingar um kaup hans á vörum og þjónustu Redder ehf. í því skyni að stunda markaðssetningu á vörum og þjónustu Redder ehf. og þeim aðilum sem Redder ehf. velur til samstarfs. Með skráningu þessara valkvæðu upplýsinga samþykkir einstaklingur að Redder ehf. megi samkeyra upplýsingar um hann úr öðrum viðskiptakerfum félagsins, s.s. sölukerfi og CRM-kerfi (e. Customer relationship management), til þess að geta veitt betri þjónustu og sent út einstaklingsmiðaðri skilaboð.
Þessi vinnsla byggir á samþykki og er einstaklingi alltaf heimilt hvenær sem er að afturkalla samþykki sitt og afskrá sig af póstlista félagsins með því að ýta á þar til gerðan hlekk í markpóstum, senda póst á netfangið redder@redder.is eða hafa samband við þjónustuver Redder ehf. í síma 558 0888.
Eftirlit í verslunum
Redder ehf. er með rafrænar eftirlitsmyndavélar í verslun sinni og þeir viðskiptavinir sem heimsækja verslunina kunna því að vera teknir upp á mynd. Vinnsla á þeim upplýsingum sem safnast með myndavélaeftirliti byggir á lögmætum hagsmunum félagsins, þar sem vinnslan fer fram í eigna- og öryggisvörsluskyni. Myndefnið er geymt eins lengi og nauðsynlegt er miðað við tilgang vinnslu en aldrei lengur en 90 daga, nema nauðsyn beri til að varðveita það lengur vegna gruns um glæp, slys eða annari sambærilegri ástæðu.
Vefkökur
Vefsvæði Redder ehf. vista vefkökur í tölvu og/eða snjalltæki þínu. Vefkökur eru litlar textaskrár sem geyma upplýsingar til að greina notkun á vefsvæðum Redder ehf. og til að bæta upplifun notenda. Vefkökur eru einnig notaðar til að sníða vefsvæðið að þörfum notenda, t.d. til að stuðla að virkni síðunnar, vista stillingar notenda, vinna tölfræðilegar upplýsingar, greina umferð um vefsvæðin og í markaðslegum tilgangi.
Þegar þú heimsækir vefsvæði Redder ehf. gefst þér möguleiki á að hafna, að hluta til eða öllu leyti, notkun á vefkökum. Vakin er einnig athygli á því að hægt er að breyta stillingum á flestum vöfrum þannig svo að þeir taki ekki á móti vefkökum, sem og að fjarlægja vefkökur.
Forsvarsmenn
Komi einstaklingur fram fyrir hönd samstarfsaðila Redder ehf., eins og birgja, verktaka eða viðskiptamanna sem er lögaðili, kann Redder ehf. að vinna með tengiliðaupplýsingar hans, s.s. nafn, símanúmer og tölvupóstfang. Þá kann Redder ehf. að vinna með samskiptasögu og reikningsupplýsingar. Þessi vinnsla er félaginu nauðsynleg til að geta uppfyllt skyldur sínar á grundvelli samnings við viðkomandi samstarfsaðila. Þá kann félaginu að vera skylt að vinna með upplýsingar á grundvelli lagaskyldu, s.s. bókhaldslaga.
Ábendingar og athugasemdir frá viðskiptavinum
Ef einstaklingur sendir inn ábendingu eða kvörtun vinnur Redder ehf. almennt með samskiptaupplýsingar einstaklingsins, s.s. nafn, netfang og efni þeirrar kvörtunar eða ábendingar sem hann hefur kosið að koma á framfæri.
Styrkumsóknir
Í tengslum við styrkumsóknir vinnur Redder ehf. með samskiptaupplýsingar, s.s. nafn, kennitölu, netfang og símanúmer sem og aðrar upplýsingar sem sendar eru félaginu í slíkri umsókn. Vinnsla þessi fer fram á grundvelli beiðni einstaklings um að gera samning um styrkveitingu við félagið.
Miðlun persónuupplýsinga
Redder ehf. miðlar ekki persónuupplýsingum til þriðja aðila nema að fengnu samþykki, í samræmi við ákvæði viðskiptasamninga, á grundvelli lögmætra hagsmuna félagsins eða á grundvelli lagaskyldu.
Redder ehf. áskilur sér þann rétt til að miðla persónuupplýsingum til þriðja aðila (vinnsluaðila) sem er þjónustuveitandi, umboðsmaður eða verktaki Redder ehf. í þeim tilgangi að veita þjónustu sem beðið hefur verið um.
Redder ehf. deilir upplýsingum, í tölfræðilegum tilgangi, með vinnsluaðilum sem vinna með fyrirtækinu við gæða- og markaðsstarf. Redder afhendir vinnsluaðilunum einungis þær persónuupplýsingar sem eru nauðsynlegar fyrir þá í framangreindum tilgangi. Gerður er samningur við slíka vinnsluaðila, þar sem þeir undirgangast skyldu um að halda upplýsingum um einstaklinga öruggum og nota þær einungis í framangreindum tilgangi.
Allir vinnsluaðilar Redder ehf. og samstarfsaðilar hafa undirritað viðeigandi trúnaðaryfirlýsingu og vinnslusamning í samræmi við ákvæði persónuverndarlaga. Redder ehf. tryggir þannig vernd persónuupplýsinga í samræmi við lög og reglur um persónuvernd eins og þau eru á hverjum tíma, þar á meðal með mótun öryggisstefnu um meðferð og öryggi persónuupplýsinga og setningu öryggis- og verklagsreglna eins og krafist er í persónuverndarlögum.
Í þeim tilfellum að þriðji aðili (vinnsluaðili) fær aðgang að persónuupplýsingum, tryggir Redder ehf. trúnað og að gögnum sé eytt að vinnslu lokinni. Redder ehf. leigir aldrei eða selur persónuupplýsingar um viðskiptavini.
Geymslutími persónuupplýsingar
Redder ehf. mun ekki vinna persónuupplýsingar lengur en tilgangur stendur til eða lagagrundvöllur heimilar. Persónuupplýsingar eru unnar svo lengi sem samningsbundin skylda, samþykki eða lagalegar skyldur krefjast, allt eftir því hvaða tilgangur og lagaheimild liggur að baki vinnslu. Mismunandi varðveislutími á almennt við eftir tegund og eðli persónuupplýsinga.
Upptökur úr rafrænu myndavélaeftirlitskerfi Redder ehf. eru almennt geymdar í 90 daga, í öryggis- og eignavörsluskyni.
Vakin er athygli á því að í sérlögum kann að vera kveðið á um lágmarksvarðveislutíma tiltekinna upplýsinga eins og bókhaldsgagna, upplýsinga vegna tolla- og skattalöggjafar og upplýsinga á grundvelli gagnaöflunar vegna eftirfylgni laga um aðgerðir gegn peningaþvætti o.fl.
Öryggi gagna
Redder ehf. leggur áherslu á að tryggja að varðveislu persónuupplýsinga sé háttað á öruggan hátt. Redder ehf. tryggir að viðeigandi tæknilegar og skipulagslegar öryggisráðstafanir séu gerðar til að tryggja mesta öryggi gagna hverju sinni.
Þessum ráðstöfunum er ætlað að vernda persónuupplýsingar gegn því að þær glatist eða breytist fyrir slysni og gegn óleyfilegum aðgangi, afritun, notkun eða miðlun þeirra. Breytingar og leiðréttingar á persónuupplýsingum
Öll samskipti við vefþjóna Redder ehf. eru dulkóðuð yfir öruggar vefsíður (HTTPS).
Réttindi einstaklinga
Einstaklingar eiga rétt á því að geta óskað eftir að Redder ehf. veiti honum upplýsingar um þær persónuupplýsingar sem fyrirtækið býr yfir sig, sem og um vinnslu og meðferð upplýsinga um hann. Þá kann einnig að vera að einstaklingur hafi rétt á að fá afrit af upplýsingunum nema lög kveði á um annað. Við ákveðnar aðstæður getur einstaklingur farið fram á það við fyrirtækið að það sendi upplýsingar, sem hann hefur sjálfur látið fyrirtækið í té eða stafað frá honum, beint til þriðja aðila.
Einstaklingur á rétt á því að rangar persónuupplýsingar um hann séu leiðréttar. Einnig á einstaklingur rétt á því í vissum tilvikum að persónuupplýsingar um hann sé eytt, t.d. ef upplýsingarnar eru ekki lengur nauðsynlegar í þágu þess tilgangs sem þeirra var upphaflega aflað.
Vilji einstaklingur ekki láta eyða upplýsingum sínum, t.d. vegna þess að hann þarf á þeim að halda til að verjast kröfu, en vill samt sem áður að þær séu ekki unnar frekar af hálfu félagsins getur hann óskað eftir því að vinnsla þeirra sé takmörkuð.
Sé vinnsla á persónuupplýsingum einstaklings byggð á lögmætum hagsmunum félagsins á hann einnig rétt á að mótmæla þeirri vinnslu.
Framangreind réttindi einstaklingsins eru þó ekki fortakslaus. Þannig kunna lög að skylda félagið til að hafna ósk um eyðingu eða aðgang að gögnum. Þá getur félagið hafnað beiðni hans vegna réttinda félagsins, s.s. á grundvelli hugverkaréttar, eða réttinda annarra aðila, s.s. til friðhelgi einkalífs, telji félagið þau réttindi vega þyngra. Réttindi þín til að mótmæla vinnslu í markaðssetningar tilgangi er þó fortakslaus.
Einstaklingi verður tilkynnt og gefin skýring ef töf verður á afgreiðslu eða ef ekki er unnt að verði við beiðninni að fullu eigi síðar en mánuði frá móttöku hennar. Einstaklingur getur kvartað til Persónuverndar (www.personuvernd.is) ef Redder ehf. neitar að afhenda honum ákveðnar upplýsingar eða ef einstaklingur er ósáttur við vinnslu Redder ehf. á persónuupplýsingum.
Ef upp koma aðstæður þar sem að félagið getur ekki orðið við beiðni einstaklings mun félagið leitast við að útskýra hvers vegna beiðninni hefur verið hafnað, þó með tilliti til takmarkana á grundvelli lagaskyldu.
Skilmálar
Skilgreining
Eftirfarandi skilmálar gilda um sölu á vöru og þjónustu sem Redder ehf. (kennitala 430718-1500, Hyrjarhöfða 2, 110 Reykjavík) veitir viðskiptavinum sínum, bæði í almennri verslun og á netverslun.
Hér eftir verður vísað í Redder ehf. sem „Redder“ og viðskiptavini sem „viðskiptavinir“ eða „kaupendur“.
Um þessi neytendakaup er fjallað um í lögum um neytendakaup, lögum um samningagerð, lögum um rafræn viðskipti og aðra rafræna þjónustu, lögræðislög og lögum um persónuvernd og meðferð persónuupplýsinga.
Skilaréttur eða vöruskipti
Vara er eign Redder þar til að hún er að fullu greidd. Sérpantaðar vörur eru ekki teknar til baka nema að um annað hafi verið um samið skriflega. Redder áskilur sér rétt að gefa út reikning og senda í heimabanka ef ekki hefur verið gengið frá greiðslu á tilsettum tíma .
Vörum er almennt hægt að skila gegn framvísun reiknings fyrir kaupum á vörunni sé varan ónotuð og í söluhæfu ástandi bæði hvað varðar innihald og umbúðir.
Redder áskilur sér rétt til að gefa út inneignarnótu með 15 % afföllum vegna skila á lagervöru sé henni skilað innan 30 daga í söluhæfu ástandi.
Framvísa skal nótu/kassakvittun þegar vöru er skilað. Vara skal vera í söluhæfu ástandi og tekin inn á sama verði og hún var keypt á.
Við vöruskil er mögulegt að:
* Fá aðra vöru í skiptum.
* Bakfæra upphæð inn á viðskiptareikning.
* Bakfæra upphæð inn á kreditkort viðkomandi hafi varan verið greidd með því korti.
* Bakfæra upphæð inn á debetkort viðkomandi ef vöruskil eru samdægurs og verslað var og greitt var með viðkomandi debetkorti.
Gefin er út inneignarnóta fyrir vöruskilum. Vörur eru ekki endurgreiddar með peningum.
Ábyrgðir/Gallar
Lög um lausafjárkaup nr. 50/2000 og lög um neytendakaup nr. 48/2003 gilda í viðskiptum um sölu á vöru eftir því sem við á.
Telji viðskiptamaður að vara hafi verið gölluð við afhendingu eru kvörtunarfrestir mislangir eftir ákvæðum laganna. Um er að ræða fresti frá 2 árum upp í 5 ár eftir því um hvaða vörur er að ræða og hvað fellur undir skilgreiningu laganna. Bent er á að sönnunarbyrði fyrir því að vara hafi verið gölluð við afhendingu færist almennt yfir á kaupanda eftir því sem lengri tími líður frá því að vara var keypt.
Kaupendur bera ábyrgð á að kaupa vörur sem hæfa þeirri starfsemi sem varan er ætluð til. Redder leggur áherslu á að viðskiptavinir kynni sér tækniblöð, skilmála, meðferð og notkunarleiðbeiningar frá framleiðanda eða seljanda áður en vara er notuð.
Eftir að kaupandi hefur móttekið pöntunina þarf hann að kanna hvort hún sé í samræmi við pöntunarstaðfestinguna, hvort eitthvað hafi skemmst í flutningi og að allar vörur séu samkvæmt vörulýsingu og ógallaðar. Skilmálar þessir gera ráð fyrir að kaupandi hafi lesið og kynnt sér leiðbeiningar af keyptri vöru við afhendingu. Eðlilegur athugunartími viðskiptavinar telst vera innan 10 virkra daga. Eftir 10 virka daga áskilur seljandi sér rétt til að sannreyna staðhæfingu kaupanda innan eðlilegra tímamarka áður en leyst er úr umkvörtunarefni kaupanda. Í flestum tilfellum felur það í sér athugun hjá viðurkenndum þjónustuaðila.
Sannanlegir gallar sem talið er að hafi verið til staðar við kaupin og koma fram síðar og innan kvörtunarfresta er það sem Redder ber eingöngu að bæta. Komi upp grunur um galla ber kaupendum að tilkynna um slíkt án ástæðulauss dráttar.
Flestir framleiðendur gefa út sérstaka ábyrgð til ákveðins tíma. Á þetta meðal annars við um ýmis rafmagnsverkfæri og rafhlöður sem þeim fylgja. Ábyrgðartími á rafmagnsverkfærum er almennt 1 ár ef um verkfæri fyrir fagmenn er að ræða og á það sama við um rafhlöður. Ábyrgðarskilmálar framleiðanda eru hluti af þeim ábyrgðum sem framleiðendur gefa út.
Redder sem söluaðili rafmagnsverkfæra sem slíkum ábyrgðum fylgir staðfestir þær ábygðir ef notkun hins selda hefur verið í samræmi við útgefna ábyrgðarskilmála framleiðanda. Í þeim skilmálum kemur ávalt fram að eðlilegt slit vegna notkunar fellur ekki undir ábyrgð. Á ábyrgð reynir eingöngu ef um galla er að ræða sem hægt er að sýna fram á. Sé sýnt fram á slíka galla reynir á ábyrgðina.
Redder áskilur sér ávalt rétt á að yfirfara hið selda og meta hvort um galla er að ræða sem seljandi sannarlega ber ábyrgð á og koma hinu selda í samt lag.
Greiðsla og greiðsluform
Hægt er að greiða með greiðslukortum frá Visa eða Mastercard. Þegar verslað er þarf að skrá inn númer korts, gildistíma og staðfestingarkóða.
Skrá þarf inn nafn, kennitölu, heimilisfang, netfang og síma. Við skiptavinir fá tölvupóst með upplýsingum um að varan sé farin í pöntun og hún sé tilbúin til afhendingar, þegar kemur að því. Mikilvægt er einnig að skrá inn nákvæmar lýsingar á afhendingu ef hún er önnur en uppgefið heimilisfang. Fjárhæðin á reikningi gjaldfærist samdægurs.
Einnig er hægt að greiða í fyrirtækjareikning. (sækja þarf sérstaklega um reikningsviðskipti)
Rafræn viðskipti
Redder sem seljandi vöru áskilur sér rétt að falla frá kaupum og hætta við pantanir ef upp koma villur í skráningu á upplýsingum um vöru af hálfu seljanda t.d. vegna rangra verðupplýsinga eða annara mistaka sem seljandi kann að gera við skráningu á upplýsingum um verð og eiginleika vöru hvort sem þær villur eru augljósar eða ekki.
Þá áskilur seljandi sér rétt að breyta verðum eða hætta að bjóða upp á vörutegundir án fyrirvara.
Við móttöku vöru ber kaupanda að yfirfara vöruna og kanna hvort hún er í samræmi við pöntun og sé óskemmd.
Þá áskilur seljandi sér rétt til að fá staðfestar pantanir símleiðis og að krefja kaupanda um að framvísa greiðslukorti sem greitt var með við afhendingu vörunnar.
Kaupanda ber að gera athugasemdir og senda inn kvörtun innan 10 virka daga frá afhendingu vörunnar sé viðskiptamaður ekki sáttur með ástand vörunnar.
Kaupandi greiðir þann sendingarkostnað sem tilgreindur er hverju sinni við kaup.
Kaupandi greiðir kostnað sem fylgir vöruskilum í samræmi við almennan kostnað sem póst eða dreyfingaraðilar taka fyrir slíkar sendingar. Vísast til 3. mgr. 6. greinar og h-lið 1. mgr. 6. gr. laga 16/2016.
Ef kaupandi greiðir ekki kaupverðið eða fullnægir ekki öðrum skyldum sínum samkvæmt samningnum um kaupin og það verður hvorki rakið til seljanda né atvika sem hann varða áskilur seljandi sér rétt til þess að krefjast þeirra vanefndaúrræða sem seljandi getur krafist. Er þar m.a. um að ræða að krefjast efnda, riftunar á kaupunum eða skaðabóta vegna þess kostnaðar er seljandi verður fyrir vegna vanefnda kaupanda.
Farið er með allar persónuupplýsingar t.d. er varðar greiðsluhætti sem trúnaðarmál.
Er seljanda þá heimilt að gera reikning á kaupanda og innheimta í samræmi við almenna viðskiptaskilmála seljanda.
Lög um rafræn viðskipti nr. 30/2002 gilda um viðskipti þessi auk laga nr. 16/2016 um neytendasamninga. Viðskiptavinum er bent á fræðsluefni á heimasíðu neytendastofu varðandi rafræn viðskipti.
Vöruafhending
Tekið er fram hvað má búast við miðað við valda afhendingarleið í kaupferli.
Ef afhendingu mun seinka, tilkynnir Redder kaupanda það og veitir upplýsingar um það hvenær pöntunin verður tilbúin til afhendingar.
Persónuvernd
Allar persónulegar upplýsingar um kaupanda vegna notkunar á vefsvæði Redder verður farið með í samræmi við lög og reglur um meðferð persónulegra upplýsinga eins og þær eru á hverjum tíma.
Takmörkun ábyrgðar
Redder veitir aðgang að vefsvæði sínu eins og það er á hverjum tíma, en ábyrgistekki að allar upplýsingar séu réttar, tæmandi eða rétt uppfærðar eða að virknivefsíðunar sé ávallt í lagi. Upplýsingar um verð og birgðastöðu geta breist ánfyrirvara og eru því ekki skuldbindandi.
Redder ábyrgist ekki tjón sem kann að verða vegna notkunar á vefsvæði eða þjónustu tengdu netsvæðinu. Redder ábyrgist ekki tjón er kunna að verða vegnavinnu sem innt er af hendi kaupanda eða af hendi 3ja aðila á vöru sem ekki uppfyllir skilyrði skv leiðbeiningum og tækniblöðum frá framleiðanda og skv. skilmálum Redder.